یاد ایام

برگرفته از وبلاگ «یا شاه عبدالله »متعلق به آقای عبدالعزیز موحدی        یاد گذشتگان یاد باد آن روزگاران یاد باد که چقدر بو  و بوایل ما من زحمت بیدن. یاد آن روزهایی که توی ولات هیچ امکاناتی نبی.  او سو که حونه یل نه دورشون دیوار   داشت ونه در سرا داشتن  چقدر صفا وصمیمیت بی اگر کسی کار داشت ایخواست بره   حونه کلاسین ومن سرای مش احمد و باسهراب ایگذشت یه حال واحوال وچاق سلامتی   هم ایکرد بعد ایره حونه کلاسین مثلا تی مرحوم کلاسین یا ایره حونه شیخ عواس  یا   حونه مرحوم کل عیوض . ای روزگار  . یاد اوسو که او من جهله بی  یه جوم مسی هم ریش نهاده بی . بعضی ها   هم مشک داشتن  سی او خردن  یا بهدا که دول سه گوش درس  وابید   . یکی سیم    گپ ایزه  . ایگو ظهر بی رهته بیدم چهل کل حیدر او خنک اوردم سی خردن  . ایسکه   رسیدم حونه زر خردم  که مشک بنم ری مشکلون  . یدفعه  حالیم وابید یه صدای خوره   امه ویه چی بین پایلم فکس و ره . نه حلالی داشتم  لواسم حروم ابید . سی جه که . بلا نسبت سگ رهته بید زر مشکلون   خوسیده بید . ایسه بی وضع بی اوی چکنم آخرش جل کللم دراوردم ولواسم عوض کردم . ای روزگار  اینا که من مالکی یا حصار یا آبادی گدا لی بیدن یه گمبکی بعض شیل بیدن.    سیچه  سی خاطری ایکه  لااقل سی ششتو شور شون من حونه یلشون یه چهی   زده بیدن سی او رخت وریزشون. اما شیل  هم دولتی خدا وشاهبدلا  دریه ی داشتن .   سی درف ششتن یا لواس ششتن یه گوم که کوزری  ایورداشتن و ایرهتن  سر خور .   یا  اه خور او نداشت باید صبگی  گه  برهتن  که تا او مد بید درفل بششتن وتا گرما   وشون نگرهتبید واگشتن. ایسه خو الحمداله  دولتی خدا وجمهوری اسلامی که   کربونش  برم ایمام خمینی  اورد سرکار  مردم همه برق دارن  او لوله دارن  اما صد حیف   که مردم قدر نونن  .از برکت خین شهیدل وزحمتل جونلمون که جون جونادمیشون کف    دسشون  نهان  ومن گرما وسرما رهتن جبهه جنگ  ری تیر وخمپاره دشمن رهتن   وچه زحمتلی کشیدن . جاشون من بهشت بو.

+ نوشته شده در  دوشنبه نوزدهم اردیبهشت 1390ساعت 11:53  توسط موحدی