سلام خیشوندل ره دیرو

سلام خیشوندل ره دیرو،بهار ولات ما بهمنه

بیین توله قابشکنه، وقت بهار خردنه

گرتل شپهله آبیده ،جیکه گلاله زرینه

زِل من صحرا فروونه، نوروز خو صحرا بهمنه

مُندر گره جی اسفناج، سَوزی نداره دَ رواج

کاکل آبی رفیق ماس، تَهمَه مِن سفره مونه

دَرَه گشَه رُنده زیاد،سالل قحطو رَهته وَ یاد

بابینَه یَل گل کِردنه،گل روغن دز مِن گلدونه

بیین بِوینین گوپلل، گل کَلونل و زَنگُلَل

مازه سوزِ وَ چِندلی، وقت صحرا چاس خردنه

بیین بریم قبله ی دعا، بلکی خدا رحمش بیای

غله ی پس کال نپهرسه، دس کنک هم نکارمونه

ینه گتم تا دَ نگین، لطیف رهتهِ بهار خری

یادی وَ ایما نیکنه، حتی سیمون گپ نیزنه